१३ फेब्रुबरी, २०१०जोर्डन, हङकङ स्थित याक एण्ड यति रेष्टुरेन्टमा नेपाली साहित्य प्रतिष्ठान हङकङले आफ्नो दशौं बार्षिक उत्सब कार्यक्रम भव्यताका साथ सम्पन्न गरेकोछ । प्रतिष्ठानका अध्यक्ष टंक सम्बाहाम्फेको अध्यक्षतामा सम्पन्न सो उत्सव समारोहमा नेपालबाट आउनु भएका बरिष्ठ समालोचक, प्राज्ञ, प्राध्यापक डा. गोविन्दराज भट्टरार्इ प्रमुख अतिथी, भाषाबिद् एबं समालोचक प्राध्यापक डा. टंक प्रसाद न्यौपाने र विशेष अतिथी साथै पत्रकार एबं कथाकार प्रदिप मेन्याङ्गबो अतिथीमा रहनु भएको थियो । भयबादी लेखक देश सुब्बाले स्वागत मन्तब्य दिनुका साथै डि.बी पालुङ्गवा, दिल पालुङ्गवा र बिमल रार्इले पालै पालो कार्यक्रम संचालन गर्नु भएको थियो । तीन चरणमा सम्पन्न भएको सो कार्यक्रमको प्रथम चरणमा प्रतिष्ठानले प्रकाशित गरेको स्मारिकाको बिमोचन गरिनुका साथै हङकङका तेह्र जना श्रष्टाहरुलाई सम्मान तथा कदर पत्र प्रदान गरिएको थियो । दोश्रो चरणमा अतिथिहरु भट्टरार्इ र न्यौपानेले आफ्नो बिचार पत्र प्रस्तुत गर्नु भएको थियो भनेे प्रदीप मेन्याङ्गबोले मन्तब्य ब्यक्त गर्नु भएको थियो । त्यसैगरि तेश्रो चरणको कार्यक्रममा कविहरुले कविता तथा गजलहरु बाचन गरेका थिए । सम्मान सहित कदर पत्र पाउने श्रष्टाहरुमा कवि हांगयुग अज्ञात, कवि नरेस सुनुवार, कथाकार, कवि तथा गितकार प्रदिप कन्दङ्गवा, कथाकार एवं पत्रकार प्रकाश केसी, कवि भोगेन एक्ले, कवि तथा गजलकार अशोक रार्इ, कवियत्री दिपा एवार्इ, गितकार तथा उपन्यासकार राम कृष्ण बान्तावा, कथाकार एबं पत्रकार चन्द्र दूमी रार्इ, कवि प्रकाश छाङ्गछा, नियात्राकार नरजित रार्इ, गितकार एबं गजलकार महेश रार्इ, कथाकार मालिकराम रार्इ र कवियत्री एबं लेखिका हिमकला रार्इ रहनु भएको थियो । तेश्रो चरणको कार्यक्रममा कविता एबं गजल बाचन गर्नु हुने कवि तथा गजलकारहरुमा कमल पौडेल, नेरश सुनुवार, मोति चाम्लिङ्ग, भोगेन एक्ले, अशोक रार्इ, प्रकाश छाङ्गछा, देबेन्द्र खेरेश, प्रदिप मेन्याङ्गबो, डि. बी पालुङ्गवा, चन्द्र मादेन, होली गुरुङ्ग, इप्सुल मगर र बिष्णु पाख्रीन थिए । देबेन्द्र खेरेश र बिष्णु पाख्रीनको कविता अरुले पढेर सुनाएका थिए । कार्यक्रममा बिचार पत्रको माध्यमबाट प्रमुख अतिथि गोबिन्दराज भट्टरार्इले हङकङ नेपाली प्रतिष्ठानले दश बर्षा गरेको कार्यको प्रशंसा गर्नु भयो । वहाले हङकङको साहित्य र साहित्यकारहरुको चर्चा गर्दै उनीहरुले नेपाली साहित्यमा दिदै आएको योगदानलाई उच्च मूल्याङ्कन गर्नुका साथै यहाबाट प्रादुर्भाव भएको भयबाद दर्शन र समुच्च बिचारको बिशेष चर्चा गर्नुभयो । यसै क्रममा भट्टर्राईले यहाको डायस्पोरीक साहित्यले लेख्ने एक एक शब्दहरुको भोलि सम्मान हुने बिश्वास ब्यक्त गर्नु भयो । त्यसै गरि अर्का अतिथि टंक न्यौपानेले हङकङका साहित्यकारले मूलत नेपाली माटो अनि आफूले भोग्दै आएको दुःखलाई साहित्यमा स्थान दिएकोले हङकङेली साहित्य बिशिष्ट रहेको भन्दै यहाका साहित्यकारले नेपाली साहित्यमा भएको अभावको पूर्ति गरेकोले उनीहरुलाई न्यानो सम्मानको खाचो रहेको कुरा ब्यक्त गर्नुभयो । प्रदिप मेन्याङ्गवोले दुइ सय पचास बर्षो नेपाली साहित्यको इतिहास भन्दा दश बर्षे हङकङेली नेपाली साहित्यको इतिहास गौरबमय रहेको बताउनु भयो । कार्यक्रममा हङकङ नेपाली महासंघका अध्यक्ष हेम लिम्बूलाई पनि बिशेष अतिथिको रुपमा आसन ग्रहण गराइएको थियो । बिभिन्न संघ सस्थाका प्रतिनिधी, पत्रकार, फोटो पत्रकार तथा अन्य लेखकहरुको समेत कार्यक्रममा उपस्थिती रहेको थियो ।
1
Apr
undefined
undefined
सन्२०१० फेव्रुवरी १५ तारीखका दिन हङकङ स्थित कंघन रेष्टुरेन्टमा नेपाली साहित्य प्रतिष्ठान हङकङद्वारा आयोजित हङकङमा नेपाली साहित्य विषायक अन्तर्क्रिया कार्यक्रम भव्यताका साथ सम्पन्न भयो। उक्त अवशरमा नेपाली साहित्य प्रतिष्ठान हङकङको दशौं वार्षिकोत्सवमा सहभागी हुन आउँनु भएका बरिष्ठ समालोचक प्राज्ञ तथा समालोचक प्रा.डा.गोविन्दराज भट्टरार्इ प्रमुख अतिथी तथा धरानबाट आउँनु भएका भाषाशास्त्री प्रा.डा.टंक प्रसाद न्यौपाने विशेष अतिथी र साहित्यकार तथा पत्रकार प्रदीप सेमी मेन्याङवो र समुच्च विचारका प्रवर्तक तथा कवियत्री दीपा एवार्इ रार्इ अतिथीको रुपमा सहभागी हुनुहुन्थ्यो । उक्त अन्तर्क्रिया कार्यक्रममा प्राज्ञ तथा प्रा.डा.गोविन्दराज भट्टरार्इले उत्तरआधुनिकता एक नयाँ विश्वपरिस्थितीमा नेपाली चेतनाको सन्दर्भ शिर्षकको कार्यपत्र प्रस्तुत गर्नु भएको थियो। हङकङमा नेपाली साहित्य र प्रा.डा.भट्टरार्इको कार्यपत्र माथी भाषाशास्त्री प्रा.डा.न्यौपानेले टिकाटिप्पणी गर्नु भएको थियो। साहित्यकार तथा पत्रकार मेन्याङवोले हङकङमा नेपाली साहित्यले अत्यान्तै चाँडो फड्को मारेको देख्दा आफुलाई गौरव लागेको कुरा वताउँनु भयो साथै समुच्च विचारका प्रवर्तक तथा कवियत्री दीपा एवार्इ रार्इले समुच्च विचार सम्वन्धि व्याख्या गर्नुभएको थियो । अन्तर्क्रिया कार्यक्रमको दौरानमा बरिष्ठ गायक तथा संगीतकार दिनेश सुब्बा र कवियत्री इप्सुल मगरले कविता वाचन गर्नुभएको थियो ।प्राज्ञ तथा समालोचक प्रा.डा.गोविन्दराज भट्टरार्इको कार्यपत्रमा जिज्ञासा उठाउँदै कथाकार प्रदीप कन्दङवा,कवि किराँती भोगेन एक्ले,संगीतकार दिनेश सुब्बा लगायतले उत्तरआधुनिक साहित्य लेखनमा आफुलाई लागेका प्रश्न राख्नु भएको थियो । वहाँहरुको जिज्ञास मेटाउँने क्रममा प्राज्ञ तथा समालोचक प्रा.डा.भट्टरार्इ र भाषाशास्त्री प्रा.डा.न्यौपाने दुवैले पालैपालो विभिन्न विचारहरु पेश गर्नु भएको थियो । सो हङकङमा नेपाली साहित्य विषायक अन्तर्क्रिया कार्यक्रमको सञ्चालन नेपाली साहित्य प्रतिष्ठान हङकङका सदस्य देश सुब्बाले र स्वागत मन्तव्य सदस्य डि.वि.पालुङवाले दिनु भएको थियो ।अन्तर्क्रिया कार्यक्रमको अध्यक्षता नेपाली साहित्य प्रतिष्ठान हङकङका अध्यक्ष टंक सम्वाहाम्फेले गर्नु भएको थियो ।
1
Apr
undefined
undefined
प्रा.डा.गोविन्दराज भट्टरार्इसंगको साहित्य वार्ता १
प्रा.डा.गोविन्दराज भट्टरार्इसंगको साहित्य वार्ता २
प्रा.डा.गोविन्दराज भट्टरार्इसंगको साहित्य वार्ता ३
प्रा.डा.गोविन्दराज भट्टरार्इसंगको साहित्य वार्ता ४
प्रा.डा.गोविन्दराज भट्टरार्इसंगको साहित्य वार्ता ५
प्रा.डा.गोविन्दराज भट्टरार्इसंगको साहित्य वार्ता २
प्रा.डा.गोविन्दराज भट्टरार्इसंगको साहित्य वार्ता ३
प्रा.डा.गोविन्दराज भट्टरार्इसंगको साहित्य वार्ता ४
प्रा.डा.गोविन्दराज भट्टरार्इसंगको साहित्य वार्ता ५
Subscribe to:
Posts (Atom)
Posts
